Ірына Лешчанка: «Мой удзел у спаборніцтвах яшчэ пад пытаннем»
Беларуская біятланістка Ірына Лешчанка, якая аднаўляецца пасля нараджэння дзіцяці, расказала аб падрыхтоўцы да сезона.
– У Арменіі [на зборах] за дачкой глядзелі па чарзе – то я, то Арцём, які, як вядома, працуе ў зборнай сэрвісменам. Складаней было б, калі абодва бацькі былі прафесійнымі спартоўцамі.
– Як дачка перанесла пералёт у Арменію?
– Калі туды ляцелі, то прыйшлося няпроста. Алісія хацела спаць, таму крыху паскандаліла... А вось назад было лягчэй. І дочкі, і бацькам.
– Колькі працягнуліся зборы?
– 28 жніўня прыляцелі ў Арменію, 18 верасня вярнуліся ў Мінск.
– У наступным месяцы зборы пройдуць у Расіі, затым – спаборніцтвы ... Увесь гэты час дачка будзе з вамі?
– Іншыя варыянты я не разглядаю.
– Як ідзе аднаўленне пасля родаў?
– З траўня ўжо трэніруюся, спрабую ўвайсці ў форму пасля дэкрэтнага водпуску і падрыхтавацца да сезону. Хоць, шчыра кажучы, пакуль мой удзел у стартах яшчэ пад пытаннем, не абмяркоўвалі гэтую тэму з трэнерамі, – сказала Лешчанка.