Чэмпіён Беларусі атрымае $3000, абмежаваная колькасць каманд і якасныя трансляцыі. Сталі вядомыя падрабязнасці новага сезона ў амфуце
Цікава!
На мінулым тыдні з'явілася пацверджанне, што адбудзецца чэмпіянат Беларусі 2023 па амерыканскім футболе. Так, пакуль гэта навіна не выглядае нейкай уражваючай, але паглядзіце, што чакае ўдзельнікаў, якія не збіраліся ў самастойную лігу.
Ліга арганізаваная трыма клубамі: Зубрамі, Ліцвінамі і Койданс. Увесь турнір пройдзе на полі комплекса «Веста», што побач з Дзяржынскам.
Супернікі згуляюць адзін з адным па два разы. Першапачаткова плануецца фармат 11х11, але дапускаецца пераход да 9х9, калі калектывы сутыкнуцца з дэфіцытам гульцоў.
Адна з інтрыгуючых заяў – плануецца рабіць якасныя прафесійныя трансляцыі з выкарыстаннем да 4 камер. Акрамя таго арганізатары абвесцілі «прызавы фонд»: $3000 за перамогу ў лізе, $2000 за другое месца і $1000 – за трэцяе.
Наконт развіцця і перспектыў: BFL гатовая прымаць па адной беларускай камандзе кожныя паўгода. Больш за тое, кожны новы ўдзельнік атрымае ад лігі грант памерам $3000 на развіццё.
Першая гульня ў гісторыі BFL адбудзецца 16 красавіка – сутыкнуцца Зубры і Койданс.
Лагатып лігі распрацаваў Яўген Кавалевіч:
Як вам такія навіны?