Незвычайны ўрок французскага ў гімназіі Салігорска: з дзецьмі на роднай мове прыйшоў пагутарыць форвард «Шахцёра» Плака

У новым відэа салігорскага «Шахцёра» на YouTube паказалі незвычайны школьны ўрок – да вучняў гімназіі №1 на французскі завітаў форвард Мемэ Фесу Плака. Для тагалезца французская мова з'яўляецца роднай, таму для его, як адзначыла клубная прэс-служба, такая актыўнасць была магчымасцю пагутарыць па-французску не толькі з Сяргеем Чэрнікам (брамнік, нагадаем, у 2016-2019 гадах гуляў за «Нансі» ў французскіх Д1 і Д2).

Вядома, што дзеці пыталіся пра футбольныя моманты з жыцця Плакі. Так, на адно з іх форвард распавёў, што пачаў займацца футболам у 10-12 гадоў, але «гуляць па-сапраўднаму» – толькі ў 16-17: тады тагалезец зразумеў, што зможа пабудаваць кар'еру ў гульні нумар адзін. Былі пытанні і пра беларускую кухню. Як распавёў Мемэ, з традыцыйнага спрабаваў толькі тое, што прапануюць на трэніровачнай базе.

Здаецца, дзецям такі фармат заняткаў спадабаўся. У захапленні быў і футбаліст:

– Гэта было выдатна, дзеці задавалі шмат пытанняў, якія былі цікавымі і неадназначнымі. Я шаную вопыт зносін з дзецьмі, тым больш размовы на французскай, – сказаў Плака.

Пасля ўроку форвард «Шахцёра» раздаваў аўтографы, таксама вучняў запрасілі на бліжэйшы хатні матч супраць мінскага «Дынама», што адбудзецца 23 верасня.