Алазаў пра падрыхтоўку да бою за пояс чэмпіёна свету: «За два месяцы да бою трапілі ў школу тайскага бокса. Трэніраваліся з тайцамі, з бразільцамі, з хлопцамі, якія ведаюць стыль»

Беларускі баец Чынгіз Алазаў пракаментаваў падрыхтоўку да бою за пояс чэмпіёна свету па змешаных адзінаборствах One Fight Night 6 у паўлёгкай вазе.

– На што рабілі асноўны акцэнт пры падрыхтоўцы?

– Напэўна, гэта была тактыка. Тактыка была ў нас простая - навязаць яму тайскі бокс, які ён любіць у першым і другім раўндах. А ў трэцім-чацвёртым фарсіраваць за кошт нашых плюсаў - гэта перамяшчэнне, магутныя ўдары, і пяты раўнд таксама забіраць.

Мы разлічвалі на пяць раўндаў і, што я магу сказаць, мы знаходзіліся вельмі доўга ў Тайландзе. Я праходзіў у гэтым годзе тры разы зборы ў Тайландзе, за два месяцы да бою мы спакойна патрапілі ў школу тайскага бокса. Менавіта трэніраваліся з тайцамі, з бразільцамі, з хлопцамі, якія ведаюць гэты стыль. Мы проста хацелі навязаць яму тайскі бокс, а калі ён паслабіцца яго ўдарыць, а атрымалася так, што ў другім раўндзе ён ужо адкрыўся і пайшоў наперад, і мы зрабілі сваю працу, мы яго накаўтавалі.

Мы чакалі гэтага моманту, мы думалі, што ён будзе пазней, але атрымалася, што ў другім раўндзе гэта ўсё здарылася. Уся акліматызацыя і падрыхтоўка была ў Тайландзе, – сказаў Алазаў.