Чынгіз Алазаў: «Хацеў бы правесці два-тры баі выключна для сваіх фанатаў – Беларусь і Азербайджан у якасці месца ў прыярытэце»
Беларускі тайскі баксёр і кік-баксёр Чынгіз Алазаў расказаў пра планы на будучыню.
– Калі не One Championship, то што?
– Пасля бою з Супербонам Сінгха ў мяне было шмат ментальных праблем, псіхалагічных пошукаў, абвастрыліся і сякія-такія пытанні па здароўі. Таму на дадзеным этапе хацеў бы правесці два-тры баі выключна для сваіх фанатаў – Беларусь і Азербайджан у якасці месца з'яўляюцца прыярытэтам.
– Наколькі складана арганізаваць нешта падобнае ў Беларусі?
– Вельмі цяжка. Буйны бой – амаль немагчыма. І справа не ў грошах, хоць і ў іх збольшага. Да 2026 года я звязаны кантрактам. Але іншыя лігі, якія жадаюць мяне выкупіць, таксама адназначна ў гэтым не зацікаўлены, а менавіта яны вызначаюць лакацыю і гэтак далей. Але, паўтаруся, я не бягу за перамогамі і вялікімі грашыма.
– Значыць, трэба дачакацца заканчэння кантракту з One Championship і перад заключэннем іншага пагаднення арганізаваць бой у Беларусі.
– Ха, але я планую зрабіць усё крыху інакш. А як - пакуль не раскажу. Задумы прытрымаю ў сакрэце, – сказаў Алазаў.
