Валеры Ісаеў: «Не бачу сэнсу ў турніры дублёраў. Адчуванне, што ідзе проста барацьба паміж трэнерамі асноўнай каманды і дубля»
Футбольны агент Валеры Ісаеў у інтэрв'ю Telegram-каналу «О, спорт! Ты – мир!» падзяліўся меркаваннем пра пра чэмпіянат Беларусі сярод рэзервовых каманд.
– Наўскідку, што непатрэбнае варта было б прыбраць з рэгламенту?
– Тое, на што ёсць выдаткі. Напрыклад, турнір дублёраў. Калі гэтае спаборніцтва скасаваць, то аўтаматычна ў клубах знікнуць лішнія людзі на кантрактах, вызваляцца грашовыя сродкі. Першае - будзе эканомія па заробках. Другое - будзе эканомія па лагістыцы, па арганізацыі матчаў. А гэта істотныя выдаткі. Як па мне, абсалютна бескарыснае і пазбаўленае ўсякай матывацыі і логікі спаборніцтва. Туды ж, да маладых, любяць спускаць тых, хто не праходзіць у асноўную каманду, ці тых, каго трэба пазбавіцца. А гэтыя футбалісты пазбаўленыя нейкай матывацыі гуляць за моладзь. Ну а якія мэты ў такім выпадку праследуюць дублёры? Яны ў такім выпадку будуць развівацца? Не.
– Грошы, якія трацяцца на дублёраў, лепш накіраваць на развіццё першай каманды і інфраструктуры?
– Безумоўна. Гэтыя вызваленыя грошы пойдуць у першыя каманды і не дазволяць нашаму чэмпіянату падаць яшчэ ніжэй. Я не бачу ў прынцыпе сэнсу ў турніры дублёраў. Такое адчуванне, што ідзе проста дужанне паміж трэнерамі асноўнай каманды і дубля. І першыя не жадаюць, каб дубль дасягаў выніку, таму што ў такім выпадку трэнер можа змяніць свайго калегу ў вышцы. І я не з галавы бяру гэта, а расказваю тое, што ведаю, гэта адбываецца ў многіх каманда. Уяўляеце, якая атмасфера ў сувязі з гэтым у клубах? – лічыць Ісаеў.
⚽️Чэмпіянат свету-2022 па-беларуску і без VPN! Пампуй дадатак Tribuna.com
