Уладзімір Хвашчынскі: «Вельмі крыўдна застацца з «Мінскам» без медалёў. Мы выглядалі вельмі грунтоўна»
Лепшы футбаліст Беларусі-2022 Уладзімір Хвашчынскі падзяліўся меркаваннем пра выступленне «Мінска» ў вышэйшай лізе.
Каманда заняла шостае месца.
– Крыўдна застацца з камандай без медалёў. У гэтым чэмпіянаце «Мінск» быў як ніколі згуртаваным калектывам. Так, у сярэдзіне сезона клуб пакінулі некалькі ключавых майстроў, але ўсё роўна мы выглядалі вельмі грунтоўна. Усе разумелі адзін аднаго на полі, як кажуць, з заплюшчанымі вачыма.
Таму вельмі крыўдна застацца без узнагарод. Шчыра адзначу, што я, як і любы іншы форвард, заўсёды імкнуся да асабістых дасягненняў, але ўсе гэтыя рэкорды з задавальненнем паклаў бы на чару камандных шаляў, – сказаў Хвашчынскі.
У 27 матчах Хвашчынскі забіў 20 мячоў. На дадзены момант футбаліст у статусе вольнага агента.
⚽️ Чэмпіянат свету-2022 па-беларуску і без VPN! Пампуй дадатак Tribuna.com
