«Ювентус» будзе аспрэчваць рашэнне Федэральнага апеляцыйнага суда аб зняцці 15 ачкоў
«Ювентус» паведаміў, што клуб будзе аспрэчваць рашэнне аб зняцці 15 ачкоў з-за падазрэння ў фінансавых махінацыях.
«Ювентус» і яго каманда юрыстаў уважліва і старанна прааналізавалі матывацыйную частку рашэння Федэральнага апеляцыйнага суда.
Гэты дакумент, прадказальны па сваім змесце, утрымлівае відавочныя нелагічнасці, матывацыйны недахопы і неабгрунтаванасці з пункту гледжання закона, таму клуб будзе аспрэчваць гэтае рашэнне ва ўстаноўленыя тэрміны.
Законнасць аргументаў «Ювентуса» будзе цвёрда даказаная, хаця і з павагай да тых інстытуцый, якія іх выдалі», – гаворыцца ў заяве.
Нагадаем, што акрамя зняцця 15 ачкоў суд прыняў такія рашэнні – былы спортдырэктар Фабіа Парацічы атрымаў адхіленне на 2,5 года, экс-прэзідэнт Андрэа Аньелі і экс-гендырэктар Маўрыцыа Арывабене – на 2 гады, цяперашні спортдырэктар Федэрыка Чэрубіні – на год і 4 месяцы, былы віцэ-прэзідэнт Павел Нэдвед – 8 месяцаў.