Грэм Потэр: «Мудрык і Энца – неверагодныя гульцы, яны маладыя і рашучыя»
Галоўны трэнер «Чэлсі» Грэм Потэр падзяліўся чаканнямі ад матча з «Фулхэмам» і пракаментаваў трансферную палітыку клуба.
«Ніхто не можа глядзець у будучыню, але мы спрабавалі падпісаць гульцоў вызначанага профіля. Калі вы паглядзіце на ўзрост запрошаных футбалістаў, то яны тут, каб ужо зараз спаборнічаць. Але і на працягу многіх наступных гадоў таксама.
Вы можаце казаць пра вынікі і персаналіі, але гэта пабудова каманды. Гэта зараз наша выпрабаванне.
Я ў захапленні. Я трэнірую ўжо больш за 12 гадоў, пачынаў з нізоў, але зараз я ў фантастычным клубе з амбіцыямі. Мы жадаем ваяваць.
Я не прымаю рашэнні па фінансах, на шчасце. Мая праца – галоўны трэнер, пераканацца, што мы запрашаем правільных выканаўцаў.
Мудрык і Энца – неверагодныя гульцы. Яны розныя, але маладыя і рашучыя. У іх ёсць якасці, каб стаць футбалістамі сусветнага ўзроўню.
Цяпер трэба дапамагчы ім, каб яны зразумелі каманду. Індывідуальнасці робяць розніцу, калі яны добра функцыянуюць у камандзе. Гэта выпрабаванне, я ў захапленні ад гэтага. Мы працуем і прагрэсіруем. Спадзяваюся, сёння набярэм 3 ачкі», – сказаў Потэр.