Эрык тэн Хаг: «МЮ» азначае трафеі. Мы ўсё яшчэ ў пачатку вяртання клуба туды, дзе ён павінен быць»

Галоўны трэнер «Манчэстэр Юнайтэд» Эрык тэн Хаг падзяліўся ўражаннямі ад заваявання першага трафея з клубам – Кубка англіскай лігі.

«Зноў правільны дух, у нас вельмі добры дух, каб змагацца і выкладвацца па поўнай. Сёння не заўсёды быў найлепшы футбол, але ён быў эфектыўны.

Спачатку вы павінны выйграць першы трафей, менавіта гэта мы зрабілі сёння. Вы можаце атрымаць натхненне ад гэтага і больш упэўненасці, што мы можам гэта рабіць.

Мы ўсё яшчэ знаходзімся ў пачатку вяртання «Манчэстэр Юнайтэд» туды, дзе ён павінен быць – заваяванне трафеяў. Гэта першы.

Нашы гульцы добрага ўзроўню і звязаныя паміж сабой, яны таксама кідаюць выклік адно аднаму. У нас добрая атмасфера ў раздзявальні, у момант, калі цяжка, яны дапамагаюць адзін аднаму. Гэта найлепшае, што можа атрымаць трэнер.

Я проста хачу выйграваць. Мы інвестуем з самага пачатку ў персанал. Яны неверагодна добра папрацавалі з гульцамі. Штаб і гульцы разам. Быў голад і жаданне трафеяў, таму што «МЮ» азначае трафеі.

Рафаэль Варан, Каземіра і Давід дэ Хеа ведаюць, што такое выйграваць трафеі. Нам патрэбны такія хлопцы на полі. У іх ёсць пераможны настрой, які яны павінны прадэманстраваць у раздзявальні, у складаных сітуацыях, і вось што яны зрабілі», – сказаў тэн Хаг у размове са Sky Sports.