Ісаеў пра выбары кіраўніка АБФФ: «Давайце будзем сумленныя: ніхто не меў ілюзій наконт таго, што з'явіцца сучасны, разумны футбольны кандыдат. Я такога кандыдата не ведаю ў краіне»

Футбольны агент Валерый Ісаеў пракаментаваў абранне Мікалая Шарснёва новым старшынёй АБФФ.

«Канферэнцыя выбрала кандыдата, якога я падтрымаў. Праўда, ні кандыдат, ні ўдзельнікі канферэнцыі пра гэта не ведалі, але ж было вылучэнне, і ўсе мелі права абмяркоўваць.

Упэўнены, што зараз магу выклікаць выбліск гневу ў хейтэраў, але я працягну глядзець, аналізаваць, каментаваць, лаяць, хвалявацца, цешыцца (я пра футбол Беларусі) – давайце будзем рэалістычныя: ніхто не меў ілюзій з нагоды таго, што з'явіцца новы, незалежны, сучасны, разумны і адказны футбольны кандыдат на пасаду кіраўніка федэрацыі. Шчыра кажучы, я такога ідэальнага кандыдата і не ведаю ў краіне. Прозвішчы, якія гучалі ў розных галасавалачках, выклікалі ўсмешку.

Калі прыбраць шаблоны ў перадвыбарных інтэрв'ю Шарстнёва, асноўныя пасылы мне блізкія: поўныя трыбуны на стадыёнах, вярнуць масавасць гульні, агульныя інтарэсы з бацькамі і аматарамі футбола, важнасць развіцця дзяцей і іх здароўе, супрацоўніцтва з прэсай.

Як мне здаецца, новы кіраўнік федэрацыі ставіць масавасць футбола вышэй за вынікі зборнай. Ва ўсякім разе, нічога не сказанае аб тым, што зборная павінна выйсці з групы і што трэба ўзважыць усё з нагоды выбару новага трэнерскага штаба. З дзіцячага, юнацкага, масавага футбола з'яўляецца і дае вынікі прафесійны спорт – гэта аксіёма. Калі ўсё сказанае да прызначэння на пасаду старшыні шчыра і ад душы, калі ёсць жаданне матэрыялізаваць успаміны дзяцінства (хаця б паспрабаваць) у дзеянні, я гатовы набрацца цярпення.

Безумоўна, у мяне ёсць сваё бачанне і па масавым футболе, і па дзіцячым, і па федэрацыях, і па зборнай. Мая праграма змесціцца на адным аркушы паперы. У ёй няма месца бюро, камітэтам і выканкамам. Замест іх – толькі менеджэр нацыянальнай і менеджэр маладзёжных зборных.

Мая праграма простая і сёння сапраўды непрахадная. Але я не вылучаў сваю кандыдатуру, таму свае думкі па развіццю футбола ў краіне пакуль прытрымаю.

Як футбольны балельшчык з 55-гадовым стажам хачу звярнуцца да новага старшыні АБФФ.

Мікалай Мікалаевіч, не спяшайцеся. Вы правільна сказалі – важная каманда аднадумцаў, яе прафесіяналізм і матывацыя. Сумна тое, што вам прапанавалі яе абраць, а не стварыць.

Пакуль у афіцыйных спісах бюро і намаў не відаць адмыслоўцаў, на меркаванні якіх вам можна пакласціся пры прыняцці важных рашэнняў. Мякка кажучы, гэтыя мэнэджары не дарылі радасць аматарам футбола краіны - а гэта асноўнае прызначэнне самай масавай гульні на планеце», – напісаў Ісаеў.