Сака будзе атрымліваць 300 тысяч фунтаў у тыдзень па новым кантракце з «Арсеналам»

Вінгер «Арсенала» Букая Сака хуткім часам падпіша новы кантракт з лонданцамі, паведамляе Daily Mail.

Нагадаем, што цяперашняя дамова гульца з клубам заканчваецца летам наступнага года.

Па інфармацыі крыніцы, па новым кантракце з кананірамі Сака будзе зарабляць 300 тыс. фунтаў у тыдзень, што складае каля 15 мільёнаў у год.

Дзякуючы гэтаму англічанін стане адным з самых высокааплатных гульцоў у гісторыі клуба. Адзначаецца, што футбаліст даў зразумець кіраўніцтву, што хоча працягнуць кар'еру ў «Арсенале».

У гэтым сезоне на рахунку Сака 13 галоў і 10 асістаў у 38 матчах.