Дырэктар «Смаргоні» Люцько: «У нас дастаткова сціплыя ўмовы, думаем, саступаем большасці камандаў Д1, і геаграфічна складана»

«Я разлічваю, што ўжо праз тур мы будзем прымаць [матч] у Смаргоні, калі ўмовы надвор'я і ўсё будзе ладзіць. Але тут [у Астраўцы] мы атрымалі сваю першую перамогу ў вышэйшай лізе (1:0 над «Белшынай у 1-м туры – Tribuna.com»), але ў гэтым матчы такі вынік (0:4 ад «Іслачы» – Tribuna.com), але ў плане арганізацыі, дапамогі ад працаўнікоў стадыёна ў нас прэтэнзій няма.

«Смаргонь», так скажам, неафіт – гэта адказнасць, тут памылак не даруюць, я думаю, што нам ёсць чаму павучыцца і не толькі ў «Іслачы». Так, даводзілася з хлопцамі размаўляць, угаворваць, у нас дастаткова сціплыя ўмовы. Думаю, што па ўмовах мы саступаем большай колькасці каманд вышэйшай лігі, і ў геаграфічным плане складана. Тыя ўмовы, якія ў нас ёсць, усіх задавальняюць, і мы робім адну справу і разам з хлопцамі знаходзімся ў адных умовах», – сказаў Люцько.