Лапарт хоча перайсці ў «Барселону»
Абаронца «Манчэстэр Сіці» Эмерык Лапорт незадаволены сваім знаходжаннем у клубе, паведамляе Relevo.
Ён хоча вярнуцца ў Іспанію, а менавіта перайсці ў «Барселону», за якую даўно марыў выступаць. Ён зарабляе ў Англіі 6,5 млн еўра за год, але гатовы пагадзіцца на зніжэнне зарплаты дзеля трансферу.
Зараз Лапорт без агента, аднак ён кантактаваў з Артура Каналесам – прадстаўніком Хаві. Эмерык спадзяецца, што той дапаможа арганізаваць гэты пераход.
Трансфер іспанца ў «Барселону» таксама залежыць і ад фінансавай сітуацыі клуба, які павінен скараціць зарплатны фонд на 200 млн еўра. Гэтая сітуацыя можа перашкодзіць пераходу Лапорта, паколькі каталонцы могуць не атрымаць права на рэгістрацыю новых футбалістаў.
Калі Эмерык не зможа перайсці ў «Барселону», у яго яшчэ ёсць некалькі варыянтаў працягу кар'еры – ім цікавіліся «Мілан» і «Ювентус», «Ньюкасл» таксама вывучаў магчымасць запрасіць яго. Калі да канца жніўня не будзе канкрэтнага рашэння па Лапорту – ён можа вярнуцца ў «Атлетык», у сістэме якога быў з 2010 па 2018 год.
У гэтым сезоне Лапорт аддаў 1 галявую ў 19 матчах. Статыстыка 28-гадовага цэнтрбека тут.
