Хаві – пра расізм: «Трэба спыняць матчы, калі на поле здараецца нешта сур'ёзнае»

Галоўны трэнер «Барселоны» Хаві адрэагаваў на тое, што заўзятары «Валенсіі» падчас матча з «Рэалам» у Ла Лізе абражалі вінгера Вінісіуса Жуніяра па расавых прыкметах.

«Калі здараецца нешта сур'ёзнае, трэба спыняць матч. Гэта пытанне прадухілення. Мяне не хвалюе – Вінісіус гэта ці Эта'О. Трэба спыніць абразы на полі, гэта вельмі непрыемна. У баскетболе і тэнісе гэтага бывае менш, там усё цішэй.

Вінісіус – гэта асоба. Ён не мадрыдскі футбаліст, перш за ўсё ён – чалавек. Трэба абараняць любога, а я карыстаюся сваёй пазіцыяй трэнера «Барсы», каб абараняць Вінісіуса.

Не думаю, што будзе сэнс казаць, што Іспанія расісцкая краіна ці Ла Ліга расісцкая. Але ёсць акты расізму, мы павінны асудзіць іх. Калі мы знаходзімся ў асяроддзі, дзе нас абражаюць і кажуць такія рэчы – цяжка быць узорам і быць у норме.

Гэта адзіны від спорту, у якім дапускаюцца абразы. Гэта ўжо як норма. Працую і павінен мірыцца з тым, што мяне абражаюць. Не бачу, каб гэта адбывалася ў пякарнях ці журналістыцы. Ну, у журналістыцы, так, але ў свеце футбола.

Калі ты пакрыўдзіш будаўніка, то цэгла можа зваліцца на галаву. Я не абавязаны цярпець крыўды на сваёй працы. Думаю, дастаткова такога нахабства. Выкарыстоўваю гэтую пасаду, каб патрабаваць. Трэба прыняць дастатковыя меры», – сказаў Хаві.