Бензема атрымаў прапанову ад урада Саудаўскай Аравіі ў памеры 200 млн еўра за два сезоны («Relevo»)

Нападаючы «Рэала» Карым Бензема можа зарабіць 200 млн еўра за два наступныя сезоны, калі вырашыць пакінуць летам мадрыдскі клуб і працягнуць кар'еру ў аравійскім першынстве, паведамляе Relevo.

Як сцвярджае крыніца, французскі форвард у апошнія тыдні быў больш замкнёным, чым звычайна. У клубе падазраюць, што прычынай гэтага магла стаць прапанова з боку ўрада Саудаўскай Аравіі.

У камандзе здзіўлены некаторымі нядаўнімі ўчынкамі француза - напрыклад, яго адсутнасцю на прэзентацыі Кубка Іспаніі перад матчам супраць «Хетафэ», а таксама адмовай ад зносін з прэсай пасля паражэння ад «Ман Сіці» ў паўфінале ЛЧ.

Акрамя выступленняў за адзін з клубаў аравійскага чэмпіянату Бензема таксама павінен стаць іміджавай часткай сумеснай заяўкі Саудаўскай Аравіі, Егіпта і Грэцыі на правядзенне ЧС-2030.

Раней паведамлялася, што прэзідэнт мадрыдцаў Фларэнціна Перэс скарыстаўся опцыяй аўтаматычнага падаўжэння на год кантракту з французскім форвардам, калі ён выйграе «Залаты Мяч», і зараз новае пагадненне дзейнічае да чэрвеня 2024 года.

У сезоне 2022/23 Бензема забіў 29 галоў і зрабіў 6 асістаў у 41 матчы.

Статыстыка 35-гадовага гульца тут.