1 чэрвеня адбудзецца паседжанне апеляцыйнага камітэта па справах «Шахцёра» і Корзуна (football.by)
Заўтра, 1 чэрвеня, у Доме футбола пройдзе паседжанне апеляцыйнага камітэта, на якім будуць разгледжаныя скаргі салігорска «Шахцёра» і капітана «гарнякоў» Мікіты Корзуна на рашэнні КДК ад 11 траўня.
Нагадаем, 11 траўня КДК АБФФ разгледзеў інфармацыю, што ў ЧБ-2022 кіраўніцтва «Шахцёра» арганізавала дагаворныя матчы і фінансава стымулявала клубы вышэйшай лігі. У выніку «Шахцёр» быў пазбаўлены залатых медалёў, «Энергетык-БДУ» – сярэбраных. У гэтых клубаў і «Белшыны» таксама знялі ачкі на сезоны 2023 і 2024 гадоў. 30 чалавек атрымалі розныя дыскваліфікацыі і штрафы, але 25 з іх не будуць забаненыя, калі выплацяць прызначаныя сумы.
Корзун быў умоўна дыскваліфікаваны на 1 год і аштрафаваны КДК АБФФ на 4,4 тысячы долараў.
Падрабязней пра справу «Шахцёра» можна даведацца па спасылцы ніжэй.
