Алексіс Санчэс не будзе працягваць кантракт з «Марселем», пакуль не даведаецца імя новага трэнера

Форвард «Марселя» Алексіс Санчэс не спяшаецца прымаць рашэнне наконт сваёй футбольнай будучыні, паведамляе L’Équipe.

Кантракт 34-гадовага чылійца з французскім клубам заканчваецца ў канцы сезона, аднак ён не будзе прымаць рашэнне па яго падаўжэнні ці непадаўжэнні, пакуль не стане вядома імя наступнага галоўнага трэнера «Марселя».

Раней паведамлялася, што коўч Ігар Тудар пакіне каманду ў канцы сезона.

Нападаючы далучыўся да каманды перад сезонам 2022/23, на яго рахунку 18 галоў і 3 асісты ў 43 матчах за «Марсель», які ў наступным сезоне згуляе ў кваліфікацыі Лігі чэмпіёнаў.