Ліянель Месі – пра «Барсу»: «Не хацеў перажываць тую ж сітуацыю і чакаць. Мяне ўжо вінавацілі ў шматлікіх рэчах, якія не былі праўдай»
Нападаючы Ліянель Месі пракаментаваў рашэнне адмовіцца ад варыянту з вяртаннем у «Барселону».
«Я сачыў за «Барселонай» увесь год. Хацеў, каб яна выйграла чэмпіянат, нават шмат размаўляў з Хаві пасля матчаў.
Так, гэта праўда, што я вельмі чакаў вяртання ў «Барселону». Але я не хацеў перажываць тую самую сітуацыю і чакаць, каб убачыць, што адбудзецца. Я не хацеў пакідаць сваю будучыню ў руках іншых. Мне хацелася прыняць уласнае рашэнне, думаючы пра сабе, пра сям'ю Я чуў, што Ліга зацвердзіла ўсё, але шмат чаго яшчэ не хапала.
Чуў, што клуб павінен быў прадаваць гульцоў ці паніжаць ім заробкі. Праўда ў тым, што я не хацеў праходзіць праз гэта – браць на сябе адказнасць ці мець якое-небудзь стаўленне да ўсяго гэтага.
За час маёй кар'еры ў «Барселоне» мяне ўжо абвінавачвалі ў многіх рэчах, якія не былі праўдай. Я ўжо крыху стаміўся ад гэтага, не хацеў перажываць усё нанова.
Калі я сыходзіў з «Барсы», тады таксама казалі, што Ла Ліга ўсё прыняла, але ў выніку нічога не ўдалося. Баяўся, што ўсё паўторыцца.
Я б з задавальненнем вярнуўся, але хачу крыху больш думаць пра сям'ю. Вось чаму «Барселона» не адбылася.
Самая важная прычына – прыняць сваё рашэнне, не чакаць, не рызыкаваць, каб паўтарылася гісторыя 2-гадовай даўнасці. Дасягнуўшы ўсяго і выйграўшы чэмпіянат свету – я шукаў крыху спакою.
Цяпер клуб не ў стане сказаць мне, што вяртанне на 100% магчыма. Ёсць людзі ў клубе, якія не жадаюць, каб я вяртаўся. Ці не хацелі, каб я застаўся. Маўляў, гэта нядобра для клуба», – сказаў Месі.
