Георгій Кандрацьеў: «Не думаў, што вярнуся ў зборную Беларусі. Быў пастаўлены перад выбарам. Пра ўсё не магу казаць»

Галоўны трэнер зборнай Беларусі Георгій Кандрацьеў падзяліўся меркаваннем пра выступленнi каманды.

– Пасля двух паражэнняў на старце адбору пасыпалася новая порцыя крытыкі ў адрас зборнай і трэнерскага штаба. Як спраўляецеся з гэтым?

– Імкнуся не звяртаць увагі, не чытаць увесь гэты негатыў. Крытыка зразумелая і без гэтага – выніку ж няма. Але адна справа крытыка, іншая – абразы (некаторыя ўсё ж да мяне даходзяць). Імкнуся абстрагавацца ад гэтай сітуацыі.

– Трэнерскі штаб спрабуе ахаваць футбалістаў ад гэтага?

– Па меры магчымасцяў. Але яны ўсё роўна, думаю, чытаюць. Я ім рэкамендую не чытаць.

– Быць трэнерам беларускай зборнай – тая яшчэ прыгода. Вы ўжо стаялі ў руля галоўнай каманды ў 2011-2014 гадах. Чаму зноў пагадзіліся ўзначаліць каманду?

– Я нават не думаў, што вярнуся сюды зноў. Так склаліся абставіны. Часам у жыцці такое бывае. Быў пастаўлены перад выбарам. Пра ўсё не магу казаць, – сказаў Кандрацьеў.