Мбапе звязваўся з прэзідэнтам «Рэала» Перэсам, каб папрасіць прабачэння за адмову мінулай вясной (The Athletic)

Нападаючы «ПСЖ» Кіліян Мбапе звязваўся з прэзідэнтам «Рэала» Фларэнціна Перэсам, каб папрасіць прабачэння за тое, «як склалася сітуацыя мінулай вясной». Пра гэта сведчыць журналіст The Athletic Марыё Картэган.

Тады француз адмовіў мадрыдцам, якія прапаноўвалі яму трансфер свабодным агентам, і падпісаў новы кантракт з «ПСЖ» на значна палепшаных умовах.

Крыніца таксама дадае, што 24-гадовы футбаліст у апошні час падтрымлівае сувязь з прадстаўнікамі «Рэала».

Учора, 12 чэрвеня, Мбапе адправіў кіраўніцтву парыжан афіцыйны ліст з нагоды нежадання падаўжаць кантракт яшчэ на сезон. Яго дзейнае пагадненне заканчваецца наступным летам.

Была інфармацыя, што «ПСЖ» пасля гэтага выставіў Кіліяна на трансфер, але не хоча адпускаць менавіта ў «Рэал». Форвард ацэньваецца на 180-200 мільёнаў еўра.