Ігар Кавалевіч: «Нёман» у еўракубках не гуляў дзевяць гадоў. Хочацца праверыць свае сілы на фоне іншых каманд, ацаніць наш чэмпіянат»

Галоўны трэнер «Нёмана» Ігар Кавалевіч падзяліўся чаканнямі ад будучага матчу супраць «Вадуца» ў першым кваліфікацыйным раундзе Лігі канферэнцый.

«Раз нам прадаставіўся шанс, мы пастараемся яго скарыстаць. Падарунак будзе, калі мы нешта пакажам і нечага даб'емся. Пакуль жа рыхтуемся да гульні супраць каманды з Ліхтэнштэйна.

Кіраўніцтва жадае ад нас добрай гульні. У нас дастаткова кваліфікаваная каманда. Мы прыкладзем усе сілы для таго, каб прайсці хаця б першы этап, напэўна, як і «Вадуц».

Грашовае пытанне тут сапраўды на другім месцы. Мы ў еўракубках не гулялі дзевяць год. Жадаецца праверыць свае сілы на фоне іншых каманд, ацаніць наш чэмпіянат. Паглядзець, што мы з сябе ўяўляем.

Супернік выступае ў чэмпіянаце Швейцарыі. Сёлета яны крыху горш згулялі, чым летась, занялі 8-е месца. Але ў мінулым жа сезоне нашы супернікі выйшлі ў фінальную частку Лігі канферэнцый, выйгралі ў «Рапіда» і «Каньяспора» – каманды, якая абыграла БАТЭ. Гэта вельмі сурʼёзны супернік!

Магчыма, адзін чалавек дадасца ў лінію нападу. Пакуль не магу сказаць хто, але мы на яго спадзяемся. А так, чакаю сваіх здзяйсненняў ад сваіх рабят. Будзем гуляць наяўным складам», – цытуе Кавалевіча sport5 са спасылкай на «Спорт-Кадр».