Кай Хаверц: «Для мяне было гонарам быць часткай гісторыі «Чэлсі»
Нападаючы Кай Хаверц напісаў ліст балельшчыкам «Чэлсі» пасля трансферу ў «Арсенал».
«Дзякуй, «Чэлсі»!
Сёння я апынуўся на скрыжаванні, дзе словы не могуць апісаць эмоцыі, якія я зведваю. З цяжкім сэрцам пішу я гэты ліст, развітваючыся, клубу, які стаў маім другім домам, і неверагодным заўзятарам, якія падтрымлівалі мяне падчас гэтай дзіўнай вандроўкі.
Разам мы перажылі ўзлёты і падзенні, радасць і душэўны боль.
Я хачу падзякаваць кожнаму заўзятару «Чэлсі», чальцу штаба, трэнерам і маім таварышам па камандзе за апошнія гады.
Далучэнне да «Чэлсі» 3 гады таму было важным момантам у маім жыцці, і я гляджу на гэтыя гады толькі з гонарам, падзякай і шматлікімі спартовымі поспехамі.
Ад перамогі ў Лізе чэмпіёнаў у першым сезоне да перамогі ў Суперкубку і Клубным чэмпіянаце свету, а зараз я развітваюся. Гэта было сапраўднае падарожжа, якое я ніколі не забуду.
Кожную секунду свайго часу ў «Чэлсі» я разумеў, што значыць прадстаўляць клуб на полі і па-за ім, і я спадзяюся, што ўсё памятаюць мяне гэтым. Я азіраюся на ўспаміны, якія застаюцца на ўсё жыццё. Клуб назаўжды застанецца ў сэрцы маім, і я знайшоў сяброў на ўсё жыццё.
Для мяне было гонарам быць часткай гісторыі «Чэлсі».
Дзякуй», – напісаў Хаверц.