Дэ Хеа абвясціў аб сваім сыходзе з «Манчэстэр Юнайтэд»
Брамнік «Манчэстэр Юнайтэд» Давід дэ Хеа абвясціў аб сваім сыходзе з клуба пасля завяршэння тэрміна кантракту.
«Хацеў бы выказаць сваю ўдзячнасць і падзяку за вашую любоў на працягу апошніх 12 гадоў.
Мы шмат чаго дасягнулі з таго часу, як мой дарагі сэр Алекс Фергюсан прывёў мяне ў гэты клуб. Я адчуваў неверагодны гонар кожны раз, калі апранаў гэтую футболку.
Прадстаўляць самы вялікі клуб у свеце – гэта гонар, якім удастойваюцца толькі некалькі футбалістаў-шчасліўчыкаў.
Не думаў, што, пакідаючы Мадрыд маладым хлопцам, мы дасягнем таго, чаго дасягнулі разам. Цяпер прыйшоў час прыняць новы выклік, ізноў выпрабаваць сябе ў новых умовах. Манчэстэр заўсёды будзе ў маім сэрцы», – сказаў дэ Хеа.
32-гадовы іспанец выступаў за клуб з 2011 года, выйграўшы з ім АПЛ, Лігу Еўропы, Кубак Англіі, Кубак англійскай лігі і суперкубак краіны.
