Гвардыёла стаў першым трэнерам, які выйграў Суперкубак УЕФА на чале трох розных клубаў

Дзякуючы ўчарашняй перамозе «Манчэстэр Сіці» над «Севільяй» у серыі пенальці (5:4) Пеп Гвардыёла выйграў свой чацвёрты Суперкубак УЕФА ў трэнерскай кар'еры.

Раней яму ўжо пакараўся гэты трафей на чале «Барселоны» (2009, 2011) і «Баварыі» (2013). Адзіны трэнер, які мае столькі ж Суперкубкаў УЕФА, колькі і Гвардыёла, – гэта Карла Анчалоці. Італьянец атрымаў па два трафеі з «Міланам» і «Рэалам».

У Гвардыёлы і Анчалоці роўнасць і па агульнай колькасці Суперкубкаў УЕФА. Яшчэ па адным разе яны паднімалі трафей у якасці гульца – Пеп у 1990-м выйграў яго ў складзе «Барселоны», а Анчалоці – у 1992-м у «Мілане».