Карлас Алос: «Пакуль ёсць шанц, зборная Беларусі паспрабуе выйсці на чэмпіянат Еўропы»

Пасля 5 матчаў кваліфікацыі на чэмпіянат Еўропы зборная Беларусі займае чацвёртае месца ў групе, у актыве чатыры ачкі. Лідзіруе Швейцарыя, якая ў 5 матчах набрала 11 балаў.

– Эбонг прапусціць матч з Ізраілем. Як адчуваюць сябе астатнія гульцы? Ці не дадалося траўміраваных?

– Мы спадзяемся, што не дадасца. Макс не згуляе з-за перабору жоўтых картак. Ён важны для нас футбаліст. Пасля трэніроўцы паглядзім на свой склад і зробім высновы аб фізічнай форме хлопцаў.

Гульня з Андорай забрала шмат сіл. Зрэшты, Ізраіль знаходзіцца ў такім жа становішчы. Убачым усё на гульні. Пакуль абапіраемся на факты.

– Ці звярталіся па дапамогу да гульцоў, якія згулялі ў першым крузе супраць Ізраіля? Ці ваш трэнерскі штаб не звяртаецца да такіх спосабаў падрыхтоўкі?

– Мы карыстаемся любой магчымасцю, каб сабраць інфармацыю аб суперніку. Мы паглядзелі гульню ў Будапешце. Той матч атрымаўся цяжкім для беларусаў. Усе памятаюць той гол на апошніх хвілінах.

Матч у Тэль-Авіве будзе іншым. Ён пройдзе пры запоўненых трыбунах і неверагоднай падтрымцы гаспадароў. Памятайце і пра клас супернікаў. Не так даўно Ізраіль правёў цяжкі матч супраць Румыніі.

Але мы прыехалі сюды з добрым настроем і жаданнем перамагчы.

– Ці звярталі ўвагу на лідэраў Ізраіля: Оскара Глуха і Манора Саламона?

– Яны небяспечныя, наколькі небяспечны кожны гулец зборнай Ізраіля. Мы рыхтуемся да іх як каманда. Ведаем, што ў іх вельмі якасныя гульцы.

Мэта простая – пакуль ёсць шанц, мы пастараемся выйсці на Еўра. У нас вельмі збалансаваная група. Калі ў нас ёсць 1 працэнт на перамогу, мы паспрабуем, – сказаў Алос.