Трэнер вышэйшай лігі: «Шуманскі і Карпіцкі проста крыху вылучаюцца на фоне іншых. Прыязджаюць у «маладзёжку» і банальна зліваюцца з астатнімі»
Трэнер вышэйшай лігі падзяліўся меркаваннем наконт маладых беларускіх нападнікаў: Ягора Карпіцкага і Арцёма Шуманскага.
– Вы кажаце, што цяперашняе пакаленне моладзі не таленавіта. А як жа Ягор Карпіцкі, які забівае ў РПЛ, і Арцём Шуманскі, які стаў гуляць у складзе чэмпіёна Кіпра?
– Чалавек паехаў у «Арыс» – гэта што, нейкі суперклуб? Зразумела, у цяперашнім стане беларускага футбола тое, што гулец з'ехаў за мяжу – гэта ўжо добра. Але калі б Шуманскі быў таленавітым, ён бы ўвесь час выступаў у аснове. А так я яго магу назваць толькі добрым маладым футбалістам, але сапраўды не талентам.
Карпіцкі? Ён крыху лепш, чым Арцём, у яго больш шанцаў праявіць сябе ў будучыні. Але, зноў жа, ён не таленавіты. Проста добры і тэхнічна навучаны футбаліст. Вось і ўсё. Таленты павінны зʼяжджаць у маладым узросце ў топ-лігі, як рабілі гэта ў свой час Глеб, Кутузаў. Шуманскі і Карпіцкі, паўтаруся, проста нядрэнныя, дыхтоўныя маладыя футбалісты. Яны проста крыху вылучаюцца на фоне іншых, – сказаў спецыяліст.
Tribuna.com публікуе каментарыі спікераў, якія знаходзяцца ў Беларусі, ананімна для іх бяспекі.
