Аляксандр Юрэвіч: «У брэсцкага «Дынама» своеасаблівая кухня, напэўна, у нас не склаліся ўзаемаадносіны з кіраўніцтвам»

Беларускі спецыяліст Аляксандр Юрэвіч пракаментаваў свой сыход з пасады галоўнага трэнера брэсцкага «Дынама».

– Як прымалася рашэнне аб скасаванні кантракту?

– Справа была так. Тры тыдні таму я падыходзіў да дырэктара клуба [Аляксандра Няўдаха] і пазначаў, што гатовы пайсці, калі няма падтрымкі ад кіраўніцтва або калі там не бачаць сэнсу ў далейшым супрацоўніцтве. Мінуў час, і пасля нічыёй з «Нафтанам» нам далі зразумець, што не супраць растання прама зараз. У выніку мы вырашылі разысціся па ўзаемнай згодзе.

– З вашых слоў выходзіць, што кіраўніцтва вас не вельмі-то і падтрымлівала.

– Там своеасаблівая кухня, коратка не растлумачыш. Не скажу, што не падтрымлівала, але, скажам так, мусіць, у нас не склаліся ўзаемаадносіны.

– Якая бягучая фінансавая сітуацыя ў «Дынама»? Ці ёсць даўгі?

– Не. На сёння ўсё выплачваецца стабільна і ў тэрмін. У гэтым плане ўсё самавіта, прафесійна.

– Якія далейшыя планы?

– Пакуль ніякіх. Мы толькі сёньня звольніліся. Трэба пераварыць тое, што здарылася, і ўжо потым думаць, як быць далей.

– Навіна пра ваш сыход з'явілася ўчора. Можа, ужо нехта тэлефанаваў?

– Не. Мы не топавыя трэнеры, каб за намі стаяла чарга. Як кажуць, будзем чакаць, а там паглядзім. Мы адкрытыя для прапаноў, – сказаў Юрэвіч.