В. а. галоўнага трэнера брэсцкага «Дынама» Чалмадзееў: «Над чым працавалі, тыя галы і атрымалася рэалізаваць»

– Нам супрацьстаяла добрая каманда з якаснымі футбалістамі і добрым трэнерскім штабам. Ведалі, што гульня будзе цяжкай. Яна такой і атрымалася. Насамрэч рахунак не ў поўнай ступені адлюстроўвае тое, што адбывалася на футбольным полі. Я шчаслівы, што мы выйгралі сёння, але хачу аддаць належнае «Гомелю». Яны сапраўды добра гулялі. Жадаю падзякаваць ім за гэта.

Аб першым тайме:

– У нас пачынае атрымлівацца тое, над чым працуем. Тыя патрабаванні датычна мадэлі гульні, якія даводзяцца камандзе, пачынаюць рэалізоўвацца. У першым тайме ўсе галы заканамерныя. Тое, над чым працавалі, тыя галы, іх і атрымалася рэалізаваць. Ну і, зразумела, майстэрства футбалістаў дазволіла рэалізаваць гэтыя эпізоды ў забітыя мячы.

Аб Бураку:

– Я яго віншую з першым забітым мячом на дарослым узроўні. Цэнтр паўабароны – гэта яго профільная пазіцыі, дзе ён заўсёды гуляў. Што да яго важнасці для каманды, то кожны футбаліст важны. Нават той, хто на замене. Не хочацца нікога выдзяляць.

Аб размове з Гардзяйчуком на 67-й хвіліне:

– Трохі выпусцілі гульню ў гэтыя 15 хвілін. Не буду казаць, аб чым ішла гаворка. Гэта моманты, якія датычацца некаторых футбалістаў на полі. Яму знутры бывае лепш відаць. Гульцы маюць поўнае права падказаць, калі нешта бачаць. Трэнерскі штаб павінен на гэта рэагаваць.

Аб хуткай замене Лапагі:

– Якасны футбаліст з добрымі задаткамі ў атацы, а вось у абароне… Калі я яго выпусціў, трэба было больш якасна абараняцца, ствараць ціск на гульцоў з мячом і больш актыўна ісці ў прэсінг. Пакуль ён не разумее, як гэта рабіць. Было немагчыма дакрычацца з краю ні на рускай, ні на англійскай, таму вырашылі не даводзіць да дрэннага і зрабіць зваротную замену. Нічога страшнага, давядзем да яго гэтыя патрабаванні і паспрабуем усё растлумачыць. У наступны раз у яго атрымаецца лепш, – распавёў Чалмадзееў.