Ізраільскі брамнік Ават пра Бензема: «У Ізраілі забівалі жанчын і дзяцей. Калі чалавек не асуджае такое, то ён яшчэ горш, чым сукін сын»

Былы брамнік зборнай Ізраіля Дуду Ават патлумачыў сваё нядаўняе выказванне пра Карыма Бензема, які публічна выступіў у падтрымку Палестыны.

«Мне сапраўды паступалі пагрозы пасля звароту да Бензема. У суботу, 7 кастрычніка, у Ізраілі забівалі дзяцей, жанчын, у тым ліку цяжарных. І калі чалавек не асуджае такое, то ён яшчэ горш, чым сукін сын. Канешне, я гатовы пайсці на фронт. Я ўжо звяртаўся і прапаноўваў сябе», – сказаў Ават.

У Францыі таксама незадаволены пазіцыяй Бензема. Дэпутат еўрапарламента назвала яго «агентам прапаганды ХАМАС», а віцэ-мэр Марселя нават заклікае пазбавіць Карыма французскага грамадзянства і «Залатога мяча».