Аляксей Бага: «Іслач» пасля перапынку націснула туды, дзе тонка»

Галоўны трэнер «Шахцёра» Аляксей Бага падзяліўся думкамі пасля паразы ў матчы супраць «Іслачы» (1:2) у 27-м туры вышэйшай лігі.

– Ніякіх прэтэнзій да футбалістаў сваёй каманды прад'явіць не магу. Зразумела, што вельмі шмат браку, нейкіх няправільных дзеянняў. Наогул лагічна, што супернік, прайграваючы 0:1, пасля перапынку націснуў туды, дзе тонка, туды, дзе праблемна, і гэтым скарыстаўся. Як ёсць – так ёсць. Гэта наш сённяшні рэсурс, гэта наш сённяшні «Шахцёр».

– Пасля двух галоў вы выпусцілі Мікіту Корзуна. Не думалі зрабіць гэта раней? Ці гатовы ён быў гуляць з першых хвілін?

– Ён мог гуляць і з першых хвілін, калі б быў здаровы. У яго пашкоджанне плечавога сустава пасля матчу з «Тарпедам-БелАЗ». Таму разумеючы, што нас яшчэ чакае Мазыр, што ён – гулец зборнай, не хацелася зусім ім рызыкаваць. Таму далі гульнявы час Кабышаву, а Корзун выйшаў на замену.

– У другім тайме горш сталі дзейнічаць каля сваіх варот і разладзілася гульня ў атацы.

– Гэта псіхалогія. Мы павінны разумець, што тыя ж Скавыш і Плака не жалезныя і не робаты. Заканчэнне сезона, замяніць іх няма кім. Усё, што ў іх ёсць, яны з сябе дастаюць.

Акрамя таго, трэба адзначыць добрую гульню суперніка ў абароне. Вядома, было няпроста стварыць і рэалізаваць моманты, – сказаў Бага.