Гулец «Тарпеда-БелАЗ» Глушчанкоў: «З «Ніжняга Ноўгарада» са мной ніхто не звязваўся. Магчыма, застануся ў Жодзіна»
Расійскі абаронца «Тарпеда-БелАЗ» Кірыл Глушчанкоў падзяліўся меркаваннем аб магчымым сыходзе з каманды.
– Як узнік варыянт з «Ніжнім Ноўгарадам» у цябе?
– Насамрэч мне няма чаго вам сказаць. Са мной асабіста ніхто не звязваўся, сам гэта прачытаў у стужцы навін.
– Гэта значыць ты нават не ведаў, што пераходзіш у іншы клуб?
– Так. У любым выпадку ў мяне яшчэ паўгода кантракт, таму ніякіх размоваў і думак на гэты конт. Тым больш зараз момант, калі вырашаем вельмі важныя задачы. Калі з імі справімся, тады можна будзе паразмаўляць, лепш відаць будзе.
– Добра, а ці ведаў ты хаця б пра цікавасць?
– На ўзроўні чутак дзесьці нешта чуў, але не надаў гэтаму значэння. Таму што падчас сезона гэта вельмі моцна адцягвае ўвагу. Калі пачынаеш пра гэта думаць, ужо не на 100 працэнтаў сябе аддаеш на поле. Таму абстрагаваўся ад гэтага, усімі думкамі з Жодзіна зараз.
– Цяжка табе будзе з'язджаць?
– Вядома! Насамрэч, калі прыехаў, Мiнск палюбiў адразу. Гэта вельмі класны горад, ад яго кайфую. Нават калі з'еду, буду прыязджаць сюды. Тут людзі добрыя, усё падабаецца, і, як вы сказалі, прыкіпеў я.
– Можа, ужо звязваўся з кімсьці з тваёй патэнцыйна новай каманды?
– Не-не! Абсалютна нічога не ведаю. Проста ўпэўнены, што пасля заканчэння сезона, калі дадому паеду ці на адпачынак, там ужо вазьму тэлефон у рукі і нешта пагляджу, а зараз засяроджаны на Жодзіне, і пра гэта няма сэнсу казаць.
– Ты адзін прыехаў у Беларусь? Ці, можа, з дзяўчынай, жонкай?
– Не, прыязджаў адзін, але дзяўчына ў мяне ёсць. Яна з Беларусі.
– А калі ты паедзеш, яна паедзе з табой?
– Гэта зноў правакацыйнае пытанне. Я ж не ведаю, з'еду ці не! Магчыма, з Жодзіна працягну кантракт: выканаем задачу і будзем гуляць у еўракубках. Гэты месяц зараз будзе паказальным, ён усё вырашыць, таму пасля лістапада цалкам можам пабалбатаць на гэтую тэму, – сказаў Глушчанкоў.
