Кіке Флорэс пра Вінісіуса: «Нельга патрабаваць ад маладых людзей, каб яны рэзка пасталелі»

Былы трэнер «Валенсіі» і «Хетафе» Кіке Флорэс выказаўся пра скандал з Вінісіусам Жуніярам падчас матчу з «Валенсіяй», а таксама эвалюцыі гульца ў мадрыдскім «Рэале».

– Вам не здаецца, што ёсць сродкі масавай інфармацыі, якія пераходзяць рысу і раздзімаюць полымя?

– Пэўныя СМІ павінны працаваць на тых, хто іх чытае, гэта лагічна. У супрацьстаянні Вінісіуса з пэўным сектарам трыбуны адбылася сітуацыя, якую кожны інтэрпрэтуе так, як яму падаецца слушным.

Чаго нельга рабіць, дык гэта ўскладаць адказнасць на ўсіх балельшчыкаў за тое, што рабілі нямногія з іх. У любым выпадку, гісторыя з Вінісіусам – гэта больш агульная праблема, яна ні ў якім разе не абмяжоўваецца «Валенсіяй». Развіццё сітуацыі будзе залежаць ад самога гульца і ад таго, як ён будзе развівацца ў сваіх паводзінах.

– Ці павінен Вінісіус прыкласці больш намаганняў, каб змяніць сваё стаўленне? Нават Пуёль выклікаўся дапамагчы яму…

– У хлопца ёсць лепшы настаўнік, якога можна знайсці, каб выправіць свае паводзіны. Мала хто можа зраўняцца з Анчалоці ў плане яго таварыскасці і эмпатыі, калі такія людзі ўвогуле ёсць.

Калі Вінісіус яшчэ не выправіў некаторыя аспекты, то гэта таму, што ён знаходзіцца на шляху да гэтага. Нельга патрабаваць ад маладых людзей, каб яны рэзка пасталелі. Ад Вінісіуса шмат чаго патрабуюць з таго часу, як ён прыехаў, і па меры таго, як ён дасягае пастаўленых мэт, мы просім ад яго большага. І, акрамя таго, мы заклікаем да спакою самага складанага гульца з усіх, таму што яго гульня выклікае замяшанне і здзіўленне ў суперніка.

Такіх гульцоў трэба любіць і заахвочваць, каб яны не пераставалі быць такімі, якія яны ёсць на полі. Ён будзе паступова працаваць над паводзінамі, і ўсе, хто яго акружае, павінны ўнесці свой уклад у гэта, – сказаў Флорэс.