Экс-гулец мінскага «Дынама» Роткавіч: «Узровень чэмпіянату Беларусі быў нашмат мацнейшы, чым зараз. Напэўна, разы ў 4-5»
Былы гулец мiнскага «Дынама» Лука Роткавіч у інтэрв'ю Tribuna.com расказаў аб узроўні чэмпіянату Беларусі.
У сталічнай камандзе футбаліст выступаў у 2016 годзе. У 2018-м правёў 5 матчаў за «Луч».
– Калі гуляў у Беларусі, у першынстве была вельмі моцная канкурэнцыя. Тады БАТЭ быў нашмат мацнейшы, выступаў у Лізе чэмпіёнаў. Былі моцныя і іншыя клубы, таму «Дынама» і не ўдавалася ўзяць золата. Хаця мужыкі ў нас у калектыве былі сабраныя вельмі крутыя, гэта былі класныя футбалісты. Але, паўтаруся, сам узровень чэмпіянату Беларусі быў нашмат мацнейшы, чым зараз. Мусіць, разы ў 4-5. Цяпер таксама ёсць нядрэнныя каманды, але, шчыра, першынство ўжо нашмат слабейшае. Таму, думаю, «Дынама» за кошт гэтага ўжо амаль аформіла чэмпіёнства, – сказаў Роткавіч.
