«ПСЖ», «МЮ», «Ман Сіці», «Атлетыка», «Напалі» – сярод патэнцыйных парушальнікаў ліміту выдаткаў УЕФА на сезон 2025/26

Каля трэці клубаў, якія гуляюць у Лізе чэмпіёнаў 2023/24, рызыкуюць парушыць будучы ліміт затрат, устаноўлены УЕФА. Аб гэтым паведамляе Mundo Deportivo са спасылкай на The Economist.

Пачынаючы з сезона 2025/26 выдаткі на заробак гульцам і трэнерам, трансферы і ганарары агентам не павінны перавышаць 70% ад даходу клуба за апошні фінансавы год. У бягучай кампаніі гэты ліміт складае 90 працэнтаў, а ў сезоне 2024/25 ён знізіцца да 80 працэнтаў.

Сярод клубаў, якія рызыкуюць перавысіць ліміт, называюцца «Атлетыка» (даход – 377 млн еўра, выдаткі – 320 (85%), «Рэал Сасьедад» (даход – 113,1 млн еўра, выдаткі – 92,3 (82%), «Напалі», «Лацыа», «ПСЖ» і «Ланс», аднак у іх усіх ёсць час, каб выправіць сітуацыю.

Адзначаецца, што сярод англійскіх клубаў толькі «Арсенал» адпавядае гэтаму правілу.