Ліянель Месі: «Шмат думаў пра тое, каб перайсці ў Саудаўскую Аравію, яны стварылі вельмі магутны чэмпіянат»
Нападаючы «Інтэр» Маямі Ліянель Месі распавёў, якія варыянты працягу кар’еры разглядаў улетку перад пераходам у клуб з ЗША.
«На шчасце, у мяне было некалькі цікавых варыянтаў, і мне прыйшлося прааналізаваць іх і абдумаць, узважыць іх са сваёй сям’ёй, перш чым прыняць канчатковае рашэнне перайсці ў Маямі.
Маім першым варыянтам было вяртанне ў «Барселону», але гэта было немагчыма. Я спрабаваў вярнуцца, але гэтага не адбылося. Саудаўская Аравія была вельмі актыўная. Гэта таксама праўда, што пазней я шмат думаў аб тым, каб перайсці ў чэмпіянат Саудаўскай Аравіі. Я ведаю краіну, яны стварылі вельмі магутны чэмпіянат, які можа стаць важнай лігай у найбліжэйшай будучыні.
Як амбасадара краіны па турызме, гэтае месца прывабіла мяне, асабліва таму, што мне спадабалася ўсё, што я наведаў. А таксама з-за таго, як у краіне развіваецца футбол, і з-за намаганняў, якія яны прыкладаюць для стварэння топ-чэмпіянату.
Саудаўская Аравія або МЛС – абодва варыянты здаліся мне вельмі цікавымі», – сказаў Месі.
Нагадаем, амерыканскі часопіс Time прызнаў Ліянеля найлепшым спартсменам 2023 года.
У 14 матчах за «Інтэр» Маямі ён забіў 11 галоў і зрабіў 5 асістаў. Поўная статыстыка 36-гадовага аргенцінца тут.
