Ігар Кавалевіч: «Пасля такога сезону цяжэй будзе ў наступным годзе. Мне разам з «Нёманам» хочацца даказаць, што ўсё гэта невыпадкова»
Галоўны трэнер «Нёмана» Ігар Кавалевіч распавёў пра камплектаванне каманды на наступны сезон.
– Чакалі, што станеце найлепшым трэнерам Беларусі?
– Калі шчыра, то не. Гэта для мяне нечаканасць. Так проста атрымалася, гэта чарада выпадковасцяў. Гэтая ўзнагарода для каманды, для хлопцаў і для трэнерскага штаба «Нёмана».
– Наколькі ўдасца захаваць склад?
– Кіраўніцтва горада і вобласці робіць усё магчымае, каб каманда захавалася. Думаю, што адсоткаў 90 захаваецца.
– Была інфармацыя, што вы можаце з'ехаць у Казахстан. Гэта праўда?
– Гэта не чуткі. У гэтым моманце была нейкая рэальнасць. Ну раз я ўжо падпісаў кантракт, то навошта пра гэта казаць? Я ўжо казаў, што пасля такога сезону цяжэй будзе ў наступным годзе. І мне разам з камандай хочацца даказаць, што ўсё гэта невыпадкова. Дзеля гэтага я і застаўся, – сказаў Кавалевіч.
