В.а. старшыні «Мінска: «Новага галоўнага трэнера прызначаць заўтра-паслязаўтра. Чалядзінскі – сярод кандыдатаў»
Выконваючы абавязкі старшыні «Мінска» Аляксей Сытаў падзяліўся падрабязнасцямі пра прызначэнне новага галоўнага трэнера каманды.
– З'явілася інфармацыя, што сёння вы абвясціце пра прызначэнне новага галоўнага трэнера. Ці так гэта?
– Не зусім так, перамовы вядуцца, але сёння гэтае пытанне на сто працэнтаў не вырашыцца. Хутчэй за ўсё, рашэнне будзе прынята ў бліжэйшыя дні, заўтра-паслязаўтра. Зноў жа, перамовы ў заключнай стадыі, але не хацелася б раней нешта анансаваць.
– Ці ўваходзіць у лік кандыдатаў Арцём Чалядзінскі?
– Так, ён уваходзіць у кола кандыдатаў, у тым ліку з ім мы вядзем перамовы.
– Таксама ёсць інфармацыя пра тое, што ў сярэдзіне студзеня стане вядома, хто зойме пасаду дырэктара клуба на пастаяннай аснове.
– У мяне такой інфармацыі няма, калі шчыра, ні датычна мяне, ні датычна іншай асобы, – пракаментаваў Сытаў.