Капэла пра адстаўку Маўрынью: «Амерыканскія ўладальнікі маюць дзіўны падыход, не паважаюць сваіх працаўнікоў»

«Падобна на тое, што гэтыя амерыканскія ўладальнікі маюць дзіўны падыход да справы, яны не паважаюць тых, хто працуе на іх. Яны праяўляюць непавагу, таму што мы бачылі, як Мальдзіні быў звольнены ў тэлефоннай размове. А зараз яны зрабілі тое ж самае з Маўрынью, які быў на базе клуба, а яму сказалі, што ён больш не кіруе.

Тут няма ніякай адчувальнасці. Ёсць бізнес. Яны ўладальнікі, яны вырашаюць. Але веру ў нешта большае, у вызначанае пачуццё павагі да тых, хто з імі працуе. Было б лепш развітвацца інакш, чым халоднай заявай ці званком.

Не чакаў такога рашэння «Ромы», асабліва такім чынам. Зразумела, што яны больш не былі на адной хвалі. У Маўрынью былі некаторыя запыты, але ён не атрымаў адказаў. Гэта ўжо было сігналам таго, што справы не ідуць добра.

Лічу, да Маўрынью ставіліся як да чалавека, які ніколі не трэніраваў каманду. Гэтая вялікая непавага да трэнера, які вельмі шмат аддаў сусветнаму футболу, не толькі еўрапейскаму. Такі падыход «Ромы» непрымальны для мяне», – сказаў Капэла для Sky Sport Italia.

У Серыі А Жазэ двойчы запар фінішаваў шостым. У бягучай кампаніі «Рома» ідзе 9-й, у апошніх шасці турах была толькі адна перамога. Поўная табліца – тут. Таксама каманда вылецела з Кубка Італіі.