Інструктар ФІФА Джурджэвіч: «VAR – гэта шанец для Беларусі зрабіць крок наперад у развіцці лігі»

– Працэс навучання няпросты, але вашы арбітры гатовыя да гэтага і могуць адаптавацца да сучасных патрабаванняў. Беларусі неабходны VAR. Гэта ваш шанец зрабіць крок наперад у развіцці лігі, адпавядаць еўрапейскаму і сусветнаму ўзроўню. Гэта добра не толькі для суддзяў і клубаў, але і для ўсяго футбольнага таварыства. Паўсюднае ўкараненне VAR дазволіць пазбягаць памылак на полі.

Навучанне першай групы заняло два месяцы, будзе яшчэ адна. Яна складалася з пяці арбітраў і пяці асістэнтаў. Мы выканалі ўсе патрабаванні FIFA: прайшлі тэарэтычныя заняткі ў Мінску, пасля гэтага пераехалі ў Маскву. Дзякуючы супрацоўніцтву з РФС, трэніраваліся на сістэме сімулятараў. Спатрэбілася амаль два тыдні, каб навучыцца ўсяму, што да тэхнікі, метадалогіі, зносін. У сярэдзіне студзеня пачалі практыкавацца тут. Пасля завяршэння навучання мы абавязаны былі правесці матч з сістэмай VAR. Такія патрабаванні, каб далей мець магчымасць абслугоўваць паядынкі з відэафіксацыяй, – распавёў Джурджэвіч.