Алькантара зноў траўміраваўся – 4 дні таму ён згуляў за «Ліверпуль» пасля 10 месяцаў аднаўлення

Паўабаронца «Ліверпуля» Тыяга Алькантара зноў атрымаў пашкоджанне, паведамляе The Athletic.

Футбаліст 4 лютага згуляў за «Ліверпуль» упершыню з красавіка мінулага года – выйшаў на 85-й хвіліне матча з «Арсеналам» (1:3). Але пасля гульні ён паскардзіўся на дыскамфорт, яму дыягнаставалі цягліцавую траўму – пакуль невядома колькі прапусціць.

Да гэтага апошні раз 32-гадовы іспанец выходзіў на поле ў АПЛ яшчэ 26 красавіка 2023 года. Тады ў яго адбыўся рэцыдыў траўмы сцягна, з-за якой прыйшлося рабіць аперацыю.

Алькантара выступае за «Ліверпуль» з 2020 года. Яго пагадненне разлічана да канца бягучага сезона. Статыстыка і гісторыя траўм футбаліста тут.

«Ліверпуль» лідзіруе ў АПЛ. Наступны матч – 10 лютага дома супраць «Бёрнлі», каляндар тут.