Раналду ўзначаліў рэйтынг самых высокааплатных спартсменаў свету ў 2023 годзе па даных Sportico
Партал Sportico прадставіў рэйтынг самых высокааплатных спартсменаў свету ў 2023 годзе.
Узначаліў спіс футбаліст «Аль-Насра» – Крышціяну Раналду зарабіў 275 млн даляраў у 2023 годзе. У топ-3 іспанскі гальфіст Джон Рам (203 млн) і футбаліст «Інтэра» з Маямі Ліянель Мэсі (130 млн). Пяцёрку замкнулі баскетбаліст «Лэйкерз» Леброн Джэймс (125,7 млн) і футбаліст «ПСЖ» Кіліян Мбапэ (125 млн).
У топ-100 увайшлі прадстаўнікі 8 відаў спорту і 25 краін. У 2023 годзе іх агульны прыбытак ацэньваецца ў 5,4 млрд даляраў, у тым ліку 4,2 млрд у выглядзе зарплаты і прызавых, а таксама 1,2 млрд у якасці дадатковых выплат.
У сотні спартсменаў з самымі высокімі даходамі няма ніводнай жанчыны. Амерыканская тэнісістка Коры Гаўф зарабіла больш сярод жанчын – 22,7 млн даляраў. Але гэта амаль на 10 млн менш, чым прадстаўнік НФЛ Дэрэк Чарр, які замкнуў топ-100 з 33,5 млн.
Топ-10 рэйтынгу:
1. Крышціяну Раналду, футбол, «Аль-Наср» – 275 млн даляраў
2. Джон Рам, гольф – 203 млн
3. Ліянель Мэсі, футбол, «Інтэр» Маямі – 130 млн
4. Леброн Джэймс, баскетбол, «Лэйкерз» – 125,7 млн
5. Кіліян Мбапе, футбол, «ПСЖ» – 125 млн
6. Нэймар - футбол, «Аль-Хілаль» – 121 млн
7. Стэфен Кары, баскетбол, «Голдэн Стэйт» – 98,9 млн
8. Яніс Адэтакумба, баскетбол, «Мілуокі» – 88,4 млн.
9. Кэвін Дзюрэнт, баскетбол, «Фінікс» – 86,9 млн
10. Патрык Магоумс, амерыканскі футбол, «Канзас Сіці Чыфс» – 84,3 млн.
Поўны спіс топ-100 можна паглядзець тут.