Гулец «Тарпеда-БелАЗ» Зямко: «Калі хутка цямiш, то не важна, скончыў ты юрыдычную або царкоўна-прыходскую школу»
Гулец «Тарпеда-БелАЗ» Яўген Зямко распавёў пра сваю ўніверсітэцкую адукацыю і пачатак футбольнай кар'еры.
– Футбаліст з юрыдычнай адукацыяй – як так атрымалася?
– Я заўсёды добра вучыўся. Нават калі быў у футбольным класе і амаль не наведваў заняткі, усё роўна быў выдатнікам: не хапіла 0,5 бала, каб скончыць з залатым медалем.
Селі з бацькамі і падумалі: 11 гадоў вучыцца і атрымаць адукацыю фізрука – не тое. Тым больш, я ведаў, што са сваім атэстатам спакойна пераб'ю парогі на іншыя спецыяльнасці. У мяне добрая памяць, люблю чытаць – на аснове гэтага абралі юрыспрудэнцыю.
Але тамака было вельмі няпроста. Таму што калі ў мяне прымае іспыт суддзя канстытуцыйнага суда або пракурор, ім наогул пофіг, што я футбаліст. Часам даводзілася, вярнуўшыся з выезду, у шэсць раніцы садзіцца за падручнікі ці бегчы на іспыт.
– Сумяшчаць футбол і вучобу ў нефутбольным універсітэце – гэта як?
– Цяжка, вельмі цяжка. Амаль ніхто не даваў патуранняў. Казалі: ты спартсмен? Дык ідзі вучыся на спартовую спецыялізацыю». Але я толькі рады пройдзенаму шляху: гэта загартавала. Разумею, што засвоіў матэрыял лепш за аднагодкаў, якія нармальна вучыліся. А мяне ганялі.
– Навыкі з вучобы даюць нейкія плюсы ў футболе?
– Не сказаў бы. Залежыць ад чалавека. Калі хутка цямiш, то не важна, скончыў ты юрыдычную, спартовую або царкоўна-прыходскую школу, – кажа Зямко.
Статыстыка 28-гадовага гульца тут.
