Пеп Гвардыёла: «МЮ» ужо шмат гадоў не быў блізкі да перамогі ў АПЛ, яны былі другімі толькі пры Жазэ Маўрынью»

Галоўны трэнер «Манчэстэр Сіці» Пеп Гвардыёла пракаментаваў выступ «Манчэстэр Юнайтэд» у АПЛ.

«Я хачу, каб «Манчэстэр Сіці», мая каманда, быў на вяршыні. Астатняе мяне не хвалюе. Мы жадаем быць там.

Яны былі другімі толькі пры Жазэ Маўрынью. Я б сказаў, яны ўжо шмат гадоў не былі такія блізкія да трафея, як «Ліверпуль». Але я заўсёды чакаў гэтага, з майго першага дня тут. Я заўсёды чакаў, што «Манчэстэр Юнайтэд» будзе ў барацьбе за тытул. З-за іх гісторыі, традыцый і шмат чаго іншага.

Але гэтага не здарылася. Не ведаю, з якой прычыны. Мусіць, яны ведаюць. Гэта іх справа, не наша. Мы самі хочам перамагаць», – сказаў Гвардыёла.