Ігар Крывушэнка: «Запрашаць у БАТЭ футбалістаў з боку цяпер сэнсу не бачу»
Галоўны трэнер БАТЭ Ігар Крывушэнка падзяліўся бачаннем наконт камплектавання каманды.
– Тое, што БАТЭ зрабіў нахіл на моладзь, – гэта следства цяперашніх магчымасцяў клуба або, як бы груба гэта ні гучала, таго, што з чэмпіянату Беларусі няма каго браць на ўзмацненне?
– Не, чаму ж, у нас ёсць у Лізе футбалісты добрага ўзроўню. Але мы выхоўваем моладзь, мы павінны даваць ёй шанец. Мы маглі запрасіць яшчэ нейкіх футбалістаў. Яны, можа, нават былі б трохі мацней. Але тады я б зачыніў дарогу сваім хлопцам.
Калі я прыйшоў, з намі трэніравалася каля 30 футбалістаў. Потым круг звузіўся да 22 – х.ён ужо стаў больш сціснутым – відаць, хто можа дапамагчы камандзе, хто не. Кагосьці, можа, будзем прыцягваць з другой каманды. У цэлым, наша абойма акрэслілася. А запрашаць футбалістаў з боку цяпер сэнсу не бачу.
– Адзін з, так скажам, нюансаў БАТЭ ў апошнія гады – кароткая лаўка запасных. Цяпер гэта не пагражае…
– Так, нармальная лаўка, але шмат маладых гульцоў. Тут складана прадказаць, як яны сябе будуць праяўляць на доўгай дыстанцыі. Маладосці ўласцівая нестабільнасць. Але трэба разумець, што мы наўмысна на гэта ідзем. Такая сітуацыя, – сказаў Крывушэнка.
