Ігнатовіч пра спарынг з Мальтай: «Алос просіць заўсёды гуляць у атаку, і мы разлічвалі перамагчы, але было цяжка»
Брамнік зборнай Беларусі Сяргей Ігнатовіч падзяліўся думкамі пра таварыскі матчы са зборнай Мальты (0:0).
– Мы рыхтаваліся да суперніка, і было зразумела што з першых хвілін яны пабягуць наперад, будуць аказваць ціск, і трэба быць гатовым да гэтага. Так і атрымалася: дома, пры сваіх трыбунах, яны пабеглі. Але не скажу, што гэта было нешта звышнатуральнае. Мы былі гатовы да гэтага і ведалі, што чым далей будзе працягвацца гульня, тым будзе лягчэй.
– Вельмі важна даведацца, што сказаў у перапынку Карлас Алос? Бо карціна гульні пасля перапынку змянілася.
– Карлас Алос просіць заўсёды гуляць у атаку, і мы разлічвалі сёння перамагчы, гулялі толькі на перамогу. Ён змяніў трошкі перастраення: хто каго сустракае, і карцінка адразу памянялася. Але сёння было цяжка, таму што Мальта – добры супернік.
– Мы перайгралі іх па колькасці пасаў, кантроль заставаўся за намі, але гэта не прыносіла дывідэндаў. Не здавалася ў нейкі момант, што трэба падказаць рабятам, маўляў, паспрабуйце гуляць у вертыкальны футбол, паспрабуйце закідваць?
– Трэба, каб кожны займаўся сваёй справай. Так, я разумеў цудоўна, што мы з трыма абаронцамі набралі вельмі шмат перадач без прасоўвання. Трэба было больш гуляць у вертыкальнай футбол і атакаваць. Прымушаць суперніка разгарнуцца тварам да сваіх варот. Нешта атрымлівалася, нешта не. Гэта не адна з нашых лепшых гульняў, але мы не прайгралі і хацелі перамагчы, – сказаў Ігнатовіч.
