Максім Яблонскі: «Еду набраць форму пасля траўмы і дапамагчы «Смаргоні» выканаць задачу»
Хаўбэк Максім Яблонскі пракаментаваў вяртанне ў «Смаргонь» і распавёў пра мэты на сезон.
– З вяртаннем! Якія эмоцыі?
– Вярнуўся дадому! У родны клуб. Што прыгадваецца? Вельмі яркія эмоцыі былі, калі клуб быў у вышэйшай лізе, а я падаваў мячы! Гэта было крута!
Ведаю дакладна, што балельшчыкі ў Смаргоні заўсёды падтрымлівалі каманду. Не важна: выйгралі або прайгралі – заўсёды перажывалі.
– Якія пачуцці былі, калі выходзіў гуляць супраць «мядзведзяў» у футболцы «Нёмана»?
– Не паверыш, але я на «Юнацтве» не згуляў ніводнага матчу супраць «Смаргоні». А ўвогуле ўсяго два матчы было. Увесь час нейкія нюансы перашкаджалі: то траўмы, то яшчэ нешта.
– Якія мэты ставіш на сезон?
– Еду набраць форму пасля траўмы і дапамагчы камандзе выканаць задачу. Аддаць перадачу, забіць? Гэта добра, але галоўнае працаваць на каманду, каб яна выйгравала, – сказаў Яблонскі.