Паўабаронца «Тарпеда-БелАЗ» Ксенафонтаў: «Галоўнае знайсці Скавыша ў штрафной плошчы і аддаць яму дакладную перадачу, ён сваю справу ведае»

Паўабаронца «Тарпеда-БелАЗ» Аляксандр Ксенафонтаў пракаментаваў матч са «Слуцкам» (1:0) у другім туры ЧБ. На 58-й хвіліне футбаліст аддаў галявую перадачу Максіму Скавышу, які забіў пераможны мяч у гульні.

– У другім туры запар «Тарпеда-БелАЗ» перамагае, забіваючы адзін гол у другім тайме. Гэта само сабой так выходзіць?

– Думаю, прычына ў тым, што мы вельмі добра трэніруемся. У нас выдатна наладжаны трэніровачны працэс, таму ў нас застаецца больш сіл у другім тайме.

– Многія гульцы вашай каманды былі адлучаліся ў зборную, ды і сёння ў заяўцы было толькі 18 чалавек. Ці не ўскладняў падрыхтоўку да матчу недахоп людзей?

– У нас усё роўна дастаткова вялікая абойма гульцоў, таму страты моцна не адчуваліся. Акрамя таго, ёсць добрыя маладыя хлопцы, так што людзей хапала.

– У матчах з «Арсеналам» і са «Слуцкам» вашы галявыя камбінацыі атрымаліся, быццам змаляванымі пад капірку. Толькі ў першым туры перадачу Скавышу аддаваў Пабудай, а на гэты раз вы.

– Так, мы гэта паспелі абмеркаваць з хлопцамі яшчэ на полі. Канешне, гэта нельга назваць проста супадзеннем – мы адпрацоўваем такія ўзаемадзеянні на трэніроўках. Наогул-то нам галоўнае знайсці Макса ў штрафной плошчы і аддаць яму дакладную перадачу, а ён сваю справу ведае, – сказаў Ксенафонтаў.