Анчалоці пра перамогу «Рэала» у Ла Лізе: «Мы на сёмым небе, але самая важная гульня яшчэ наперадзе»
Галоўны трэнер «Рэала» Карла Анчалоці пасля перамогі ў матчы 36-га тура Ла Лігі супраць «Алавеса» (5:0) пракаментаваў выступленне каманды ў бягучым сезоне чэмпіянату Іспаніі.
«Безумоўна, гэта найлепшае, што я адчуваў як трэнер. Мы на сёмым небе, але найважнейшая гульня яшчэ наперадзе.
Цягам гэтага тыдня я буду адпачываць, як і футбалісты. У нас наперадзе фінал.
На гэтым тыдні мы мусім адпачыць. На наступным тыдні мы крыху павялічым фізічную нагрузку, а пасля гэтага будзем больш увагі надаваць тактыцы», - сказаў Анчалоці.
«Рэал» гарантаваў чэмпіёнства ў Іспаніі за 4 туры да заканчэння чэмпіянату. Турнірная табліца Ла Лігі тут.
19 мая ў 20.00 адбудзецца матч 37-га тура Ла Лігі «Вільярэал» – «Рэал».
Фінал Лігі чэмпіёнаў, у якім «каралеўскі» клуб згуляе супраць дортмундскай «Барусіі», адбудзецца 1 чэрвеня ў Лондане на стадыёне «Уэмблі». Пачатак а 22:00.