Хаві: «Зычу ўсяго найлепшага «Барселоне» – клубу, які ў маім сэрцы»
Звольнены з пасады галоўнага трэнера Хаві развітаўся з «Барселонай».
«Паважаныя заўзятары, мой час на лаве запасных «Барсы» скончыцца ў нядзелю. Ніколі не бывае лёгка пакінуць клуб свайго жыцця, але я раблю гэта вельмі горда пасля двух з паловай гадоў працы ў распранальні, якая была як другая сям'я.
Я хачу падзякаваць за падтрымку і стаўленне заўзятараў, якія заўсёды былі побач са мной і заўсёды праяўлялі да мяне такую ж любоў, як і падчас маёй футбольнай кар'еры.
З нядзелі я буду яшчэ адным гульцом на трыбунах. Таму што я заўзею за «Барселону», хачу толькі лепшага для клуба ўсяго майго жыцця, які заўсёды будзе мець мяне ў распараджэнні.
Я працаваў з групай фантастычных гульцоў і выдатным складам. Дзякуючы ім усім мы дасягалі пастаўленых мэт, кульмінацыяй якіх летась сталі перамогі ў Ла Лізе і Суперкубку Іспаніі.
У гэтым сезоне ўсё пайшло не так, як мы хацелі, але мы сабраліся разам і дапамаглі вырасціць новае пакаленне маладых футбалістаў, якія натхняюць усіх нас, заўзятараў «Барселоны».
Вялікі дзякуй усім. Заўзятарам, гульцам, персаналу, супрацоўнікам клуба, прэзідэнту, радзе дырэктараў, спартовым дырэктарам, СМІ і ўсім, з кім я падзяліў гэтае вандраванне на працягу гэтых двух з паловай сезонаў.
Зычу ўсяго лепшага клубу, які ў маім сэрцы. Няхай жыве «Барса», – напісаў Хаві ў інстаграме.